फन्ने खान

मैले केही दिन अगाडि एउटा हिन्दी चलचित्र हेरेको थिए । चलचित्रको नाम फन्ने खान थियो । मलाई यो चलचित्र निकै राम्रो लागेको थियो र मेरो मन छोएको थियो । मलाई यो चलचित्रको विषयवस्तु निकै राम्रो लागेको थियो । त्यसको साथ साथै, मलाई अनिल कपूर, राजकुमार राव र पिहू स्यान्डको अभिनय निकै राम्रो लागेको थियो । 

प्रशान्त कुमार शर्मा (अनिल कपूर), अर्केस्ट्रामा पार्टटाइम गायक जो फन्ने खान भनेर चिनिन्छन् । उनले गायक बन्ने सपना देखेका हुन्छन् तर परिस्थितिले उनको सपना पूरा हुन सक्दैन । सबै बिस्तदै जान्छ र उनीको छोरी हुन्छिन् र छोरीको नाम लता राख्छन् जुन प्रसिद्ध गायिका लता मंगेशकरको नाम हो ।

लता (पिहु स्यान्ड) को आवाज निकै सुरिलो हुन्छ तर उनको तौल धेरै भएको कारणले उनको मज्जाक उडाइन्छ । उनी प्रसिद्ध गायिका बेबी सिंह(ऐश्वर्या राय बच्चन) को फ्यान हुन्छिन् जो आफ्नो जीवनबाट थकित हुन्छिन् र ब्रेक चाहन्छिन् । अर्को तिर, प्रशान्तको कारखाना बन्द हुन्छ र उनी ट्याक्सी चालकको रूपमा काम गर्न थाल्छन् ।

एक दिन संयोगवश, बेबी प्रशान्तको ट्याक्सीमा बस्छिन् । त्यही क्रममा, उनीले पानी मान्छिन् र प्रशान्तले पानीको बोतलमा निद्राको चक्की मिसाइ दिन्छन् । त्यस पछि, उसले आफ्नो मिल्ने साथी अधीर सिन्हा (राजकुमार राव) लाई फोन गर्छन् र उसलाई भन्छन् कि उसले बेबीलाई आफ्नी छोरीको एल्बम रिलिज गर्न अपहरण गरेका छन् । प्रशान्तले अधीरलाई धेरै बिन्ती गर्छन् र धेरै बिन्ती पछि  अधीरले प्रशान्तलाई मद्दत गर्न राजी हुन्छन् ।

बिस्तारै अधीर र बेबी साथी बन्छन् । अधीर अन्ततः उसलाई बाहिर लैजान्छ र उनी आफैंमा आनन्द लिन थाल्छिन् । उनी आफ्नो कुकुर उस्तादलाई पनि ल्याएकोमा उहाँलाई धन्यवाद दिन्छिन् जसलाई उनले आफ्नो सच्चा साथी मान्छिन् तर समस्या उत्पन्न हुन्छ जब प्रशान्तले टिभीमा बेबीको अपहरणको बारेमा पुलिसलाई थाहा भएको कुरा बेबीको घरको पहरेदारले अधीरले कुकुर अपहरण देखेको खुलासा गर्दछन् । 

रजनीकान्तको मास्क लगाएर प्रशान्तले बेबीका निर्देशक करण कक्कड(गिरीश कुलकर्णी)लाई आफ्नी छोरीको एल्बम निकाल्न आग्रह गर्छन् । लता आफ्नो एल्बमको बारेमा उत्साहित हुन्छिन् र रेकर्डिङ पछि उनीले करणलाई आफ्नो अनुभव सेयर गर्छिन् जसको कारणले कक्कडलाई उनको बुबा अपहरणकर्ता र प्रसिद्ध फन्ने खान हुन् भन्ने कुरा थाहा पाउछन् । उसले अर्को भेटमा प्रशान्तलाई चिन्छन् । प्रशान्तले अन्ततः आफ्नो मास्क हटाउँछन् र प्रशान्तले उनी र अधीर प्रति विश्वास गर्न सकिन्छ भनी प्रकट गर्दछन् । 

बेबीको ठाउँमा लताले रियालिटी शो इन्डिया की आवाजमा उपस्थित हुन्छिन्  । यसैबीच अधीर र बेबी कतै भेटिदैनन् ।  प्रहरी र टिभीले प्रशान्तको फ्याक्ट्री बाहिर पुगेर परिसरलाई घेरा हाल्छन् । प्रशान्तले कक्कडलाई फोन गरेर के भइरहेको छ भनी सोध्छन् र कक्कडले उनलाई बाहिर हिँड्न अनुरोध गर्छन् । यदि लताले प्रदर्शन पाइनन् भने प्रशान्तले साँच्चिकै बच्चालाई गोली हान्ने कुरा व्यक्त गर्छन् । त्यसको साथ साथै, प्रशान्त र लताले भावनात्मक कुराकानी हुन्त र लताले राम्रो प्रदर्शन गरेकी हुन्छिन् । उनीको प्रदर्शन देखेर दर्शकहरु छक्क पर्छन् । पछि प्रशान्त हात उठाएर कारखानाबाट बाहिर निस्कन्छन्  तर प्रशान्त अचम्म पर्छन् किनकि पुलिस र टिभीका मानिसहरूले प्रशान्तको लागि पनि ताली बजाउँछन् ।

त्यही क्रममा, बेबी र अधीरलाई लिभ–इन रिलेसनसिपमा हुन्छन् भन्ने जानकारी दुवै जनाले भिडियोबाट जानकारी गराउछन् । दुवैले आफू लताका फ्यान भएको बताउँछन् । समाजले लता र प्रशान्तले आफ्नी छोरीलाई गायिका बनाउन गरेको मेहनतको प्रशंसा गर्दै फिल्मको अन्त्य हुन्छ । 

यो चलचित्रले राम्रो सन्देश दिएको छ । प्रतिभाको लागि शारीरि बनोटको जरुरी छैन । ऐश्वर्या राय राम्ररी हुन्छिन् र उनी सफल भइन् । त्यसको साथ साथै उनीले समय अनुसारको गीतहरु गाउछिन् तर लत्ताको उल्टो हुन्छ । उनी बाहिर हेर्दा राम्ररी नभए पनि स्वर निकै राम्रो हुन्छ । गीतको छनोट बेग्लै हुन्छ । प्रतिभाको लागि बाहिरी सुन्दरता चाहिदैन । प्रतिभा भएको व्यक्तिलाई केहीले छेक्दैन भन्ने दिएको छ ।